انهاردة قدمنالكم الحلقة الجديدة من صوت مدون .. من مصر..
مصر بقت زحمة جداً على فكرة.. وفقاً لآخر تقدير على موقع السي آي إيه.. تعداد الشعب المصري عدى التمانين مليون بني آدم..!!
أول ما وصلنا مصر أخدتنا دوشة الاعتصامات وأصوات جبهات المعارضة..
لكن وقفنا قدام جبهة جديدة وفريدة من نوعها.. اسمها جبهة التهييس الشعبية ..
بيني وبينكم ما استغربتش من الاسم لما عرفت إن الست صاحبة الجبهة، تبقى بنت الشاعر الكبير أحمد فؤاد نجم ، وكمان بنت الكاتبة الصحفية البارزة صافيناز كاظم..
صوت مدون بيرحب بالمدونة والناشطة الشابة نوارة نجم.. وبيقدملكم جبهة التهييس الشعبية.
